Православна Охридска Архиепископија http://www.poa-info.org?l=mk ПОА-ИНФО: Информативна служба на Православната Охридска Архиепископија mk Sun, 23 Jan 2022 19:08:03 +0100 Sun, 23 Jan 2022 19:08:03 +0100 poa-info rss generator kontakt@poa-info.org (Webmaster) http://www.poa-info.org/img/poa-info.png ПОА-ИНФО http://www.poa-info.org Информативна Служба на Православната Охридска Архиепископија Во неделата по Просвештение Архиепископот Јован служеше во Ставропигијалниот манастир Св. Јован Златоуст во Битола http://poa-info.org/vesti/2022/01/20220123.html вести 23.01.2022

Во неделата по Просвештение, Неговото Блаженство, Архиепископот охридски и Митрополит скопски г.г. Јован служеше и проповедаше во Ставропигијалниот манастир Св. Јован Златоуст во Битола.

Во својата беседа на прочитаната перикопа од Евангелието истакна дека првата поука Христова по Неговото крштение беше за покајанието. Покајанието не е само каење од грешките кои ги правиме кон другите, туку и гревовите кои ги правиме кон себе преку сопственото незнаење. Самото незнаење е грев, покајанието пак, значи да прифатиме други вредности на животот по мерата на посветеноста на Бога, а не по мерата на посветеноста на самиот себе.

]]>
Sun, 23 Jan 2022 00:00:00 +0100 http://poa-info.org/vesti/2022/01/20220123.html
Архиепископу Јовану Охридском http://poa-info.org/arhiepiskop/drugite/20220121.html архиепископ - Другите за Архиепископот

 

Родитељи Аргир и Галина,

Нису знали да имају таквог сина.

Као Зоран он се родио,

Као Јован се замонашио.

 

 

Због Цркве је у затвору био,

И много је тамо пропатио.

Он је једна од најлепших слика,

Православних наших исповедника.

 

Ој, Јоване, наше горе лист,

Пред Господом Ви сте много чист.

Вера Ваша, а и много воље,

Да л' код неког има ишта боље?

 

Породица Ваша то је Црква цела,

То су показала сва Ваша дела.

Због јединства Њеног у затвору сте били,

Ал' се нисте тамо понизили.

 

Због Христа сте страдали свој век,

Ал' ћете од Њега и добити лек.

Неће Господ никог да остави,

Сваког ко Га воли Он ће да избави.

 

 

Сви Јовани Свети личе на Христа,

А и Вас, Блажењејши, чека судба иста.

Сви ми који Вас искрено волимо,

Господу свагда за Вас се молимо.

 

Све нас, који Вас волимо ми,

Благословом Архипастирским благословите Ви.

 

Првослав Манојловић (Трећи дан Божића 2022. г.)

]]>
http://poa-info.org/arhiepiskop/drugite/20220121.html
На празникот на Богојавлението Архиепископот Јован служеше во Ставропигијалниот манастир Св. Јован Златоуст во Битола http://poa-info.org/vesti/2022/01/20220119.html вести 19.01.2022

На празникот на Богојавлението, Неговото Блаженство, Архиепископот охридски и Митрополит скопски г.г. Јован служеше и проповедаше во Ставропигијалниот манастир Св. Јован Златоуст во Битола.

Во својата празнична проповед нагласи дека празникот на Богојавлението за сите створени битија е ден на просветлувањето, зашто на овој ден Бог ѝ се објавува на створената природа онаков како што постои, како Света Троица.

]]>
Wed, 19 Jan 2022 00:00:00 +0100 http://poa-info.org/vesti/2022/01/20220119.html
Во неделата пред Богојавление Архиепископот Јован служеше во Ставропигијалниот манастир Св. Јован Златоуст, во Битола http://poa-info.org/vesti/2022/01/20220116.html вести 16.01.2022

Во неделата пред Богојавление, Неговото Блаженство Архиепископот охридски и Митрополит скопски г.г. Јован служеше и проповедаше во Ставропигијалниот манастир Св. Јован Златоуст, во Битола.

]]>
Sun, 16 Jan 2022 00:00:00 +0100 http://poa-info.org/vesti/2022/01/20220116.html
На празникот Обрезание Христово и Св. Василиј Велики Архиепископот Јован служеше во Ставропигијалниот манастир Св. Јован Златоуст во Битола http://poa-info.org/vesti/2022/01/20220114.html вести 14.01.2022

На празникот Обрезание Христово и Св. Василиј Велики и почетокот на Новата Година, Неговото Блаженство, Архиепископот охридски и Митрополит скопски г.г. Јован служеше и проповедаше во Ставропигијалниот манастир Св. Јован Златоуст во Битола.

По Литургијата беше пресечена василопитата со паричка.

]]>
Fri, 14 Jan 2022 00:00:00 +0100 http://poa-info.org/vesti/2022/01/20220114.html
Во неделата по Рождество Христово Архиепископот Јован беше присутен на Литургијата во Ставропигијалниот манастир Св. Јован Златоуст во Битола http://poa-info.org/vesti/2022/01/20220109.html вести 09.01.2022

Во неделата по Рождество Христово Архиепископот охридски и Митрополит скопски г.г. Јован беше присутен и проповедаше на Литургијата во Ставропигијалниот манастир Св. Јован Златоуст во Битола.

На проповедта по прочитаното Евангелие рече дека секогаш пред човек да започне да ја исполнува волјата Божја може да чувствува страв од непознатото низ кое поминува исполнувањето на волјата Божја. Дури и сега толку векови оддалечени од времето кога Светото семејство отишло во Египет, а кога постојат толку многу сигурносни механизми, кога некое семејство заминува од својата татковина во потрага по подобар живот постои голема неизвесност во оние што заминуваат. Како ќе помине патот, како ќе се снајдат во туѓа земја, дали некогаш ќе се вратат во својата татковина? Тие дилеми ги имал и праведниот Јосиф, но знаел дека ако заминувањето во Египет е Божја волја, тогаш најразумно е во ништо да не се сомнева, зашто Господ ќе земе сѐ под своја грижа. И не погрешил.

]]>
Sun, 09 Jan 2022 00:00:00 +0100 http://poa-info.org/vesti/2022/01/20220109.html
На вториот ден на Рождеството Христово Архиепископот Јован служеше во параклисот „Св. Нектариј Егински“, во Скопје http://poa-info.org/vesti/2022/01/20220108.html вести 08.01.2022

На празникот Собор на Пресвета Богородица кој се празнува на вториот ден на Рождеството Христово, Неговото Блаженство Архиепископот охридски и Митрополит скопски г.г. Јован служеше Божествена Литургија и проповедаше во параклисот „Св. Нектариј Егински“, во Скопје.

Во својата беседа после прочитаното Евангелие тој истакна дека Христос иако е творец на целото создание, и на нашиот свет, сепак Тој во светот не влегува на сила, туку по согласност од човекот. А во лицето на Пресветата Богородица целото човештво ја даде таа согласност. Затоа и толку ја почитуваме Богородица, и ја прославуваме веднаш по празникот на Христовото Рождество, а и после најголемиот од сите празници – Воскресението, првиот празник што се празнува – Животоприемен Источник е посветен на Богородица.

]]>
Sat, 08 Jan 2022 00:00:00 +0100 http://poa-info.org/vesti/2022/01/20220108.html
Рождеството Христово прославено во Православната Охридска Архиепископија http://poa-info.org/vesti/2022/01/20220107.html вести 07.01.2022

Неговото Блаженство Архиепископот охридски и Митрополит скопски г.г. Јован, за празникот на Рождеството Христово богослужеше во Ставропигијалниот Манастир „Свети Јован Златоуст“, во Нижеполе, Битола.

Епископот полошко-кумановски и Местобљустител дебарско-кичевски г. Јоаким богослужеше во Охрид.

Епископот брегалнички и Местобљустител битолски г. Марко богослужеше во Штип.

Епископот стобиски и Местобљустител струмички г. Давид богослужеше во Скопје.

Божикни Литургии беа отслужени и во сите други богослужбени места на Православната Охридска Архиепископија.

]]>
Fri, 07 Jan 2022 00:00:00 +0100 http://poa-info.org/vesti/2022/01/20220107.html
http://poa-info.org/arhiepiskop/poslanija/20220105.html архиепископ - посланија

Ј О В А Н

по милоста Божја, Архиепископ охридски и Митрополит скопски, до целата полнота на нашата најсвета Архиепископија Охридска

благодат, милост и мир, од Христа Спасителот наш Кој се роди во тело

 

Браќа сослужители и чеда во родениот како човек Бог и наш Спасител Исус Христос,

 

Секоја година барем еднаш годишно, а оние кои се подуховни тоа го прават и многу почесто, си споменуваме за големиот настан на Рождеството Христово, кој го подели времето на време до него и време по него. Времето е поделено на време до Него и време  по Него заради големото значење кое токму овој настан на Рождеството Христово го има  за минатото и сегашноста, но уште повеќе за иднината.

Невидено и нечуено е до тој ден на Рождеството Христово, Бог да се роди како човек, но тоа останува невидено и нечуено и после тоа. Ниту една друга религија во светот не верува дека Бог може да постане човек. Во тоа веруваат само Христијаните, тие што го добиле името по Богот Кој се родил како човек, а името му е Христос.

Припадниците на други религии ќе речат: Каков е тој Бог Кој како Бог совршен се раѓа и станува несовршен како човек? Ние нема да се согласиме дека Христос Кој се раѓа како човек бил совршен како Бог, а по раѓањето како човек станал несовршен. Совршен бил како Бог, но совршен е и како човек.

Совршениот, пак самостоен е во сѐ, во одлуките, во дејствата, во односите. Таков е Бог, но таков е и Богочовекот Христос. Ќе рече некој, како бил самостоен кога бил дете, а детето ако од никој друг зависно е барем од мајка му. Токму заради тоа Пресветата ја почитуваме веднаш по Бога зашто Богочовекот ќе го немавме без неа, семоќниот и совршен Бог, Кој сѐ може и самостоен е во сѐ, само едно не може, да постане човек без на тоа да се согласи онаа која треба да го роди, Пресвета Богородица.

Христос е совршен како Бог и во тоа не може никој да се сомнева, но како е совршен како човек, кога својство на човекот е токму тоа да биде несовршен?

 

Христос, љубени Богољупци,

совршен е не како обичен човек, туку како Богочовек. Стана човек, ни најмалку не отстапувајќи да биде Бог, а постана човек само заради нас и нашето спасение. Всушност Неговото понижување, Тој Кој е роден како Бог, да се роди и како човек, нас луѓето нè возвиши, ние да станеме богови по благодат.

Но, без тоа Негово понижување ние луѓето ќе бевме како  изгубени овци, без водич, без пастир. Токму за тоа пастирите кои душата своја си ја полагаат за овците свои беа удостоени први да му се поклонат на Бога роден како човек. Се понижи, или како со црковен речник тоа го нарекуваме: се испразни за ние луѓето, но и целата створена природа да се воздигне. Така, ние луѓето, преку неговото раѓање како човек се возвисивме да станеме богови. Секако по благодат Божја, зашто само еден е Бог по природа.

Она што треба непрекинато да се сеќаваме по овој возвишен настан на Божјо вотеловување е смиреномудрието. Ако Тој бивајќи Бог се смири до мера да постане човек, тогаш бесмислено е ние смртните луѓе да се превознесуваме и насилнички да се промовираме како богови. Ако се смириме ќе бидеме вистински богови, но не преку нашата надменост, туку со мерата со која Бог родениот како човек нѐ прифаќа за рамни нему.

 

Браќа и сестри во Богочовекот Христос,

пандемијата предизвикана од COVID вирусот, еве веќе полни две години ја вознемирува планетава на која живееме. Вие сте сведоци дека уште од првиот момент кога пред две години се појави тој вирус и кога се покажа колкаво зло за кратко време може да направи, ве советувавме да не бидете немарни на тој предизвик. Сега, кога по мислењата на оние што се повеќе упатени во вирусологијата, при крај сме на тој предизвик, повторно повикуваме, мерките кои ни се препорачани како заштитни да ги практикуваме неизоставно. Ќе се спаси само оној кој ќе ја прескокне целта, не и оној кој ја гледа целта, ама нема сили да стигне до неа.

За политиката и политичарите во нашава татковина при оваа прилика нема ништо да ви говориме зашто очигледно нема нешто што по тоа прашање не ви е јасно. Единствено кое добро го прават тие е да ја гонат Црквата, но оној кој кренал рака на Црквата, кренал рака на самиот Бог, зашто токму овој празник покажува дека Бог е Црквата.  Затоа вака лошо им оди нив, но лошо им оди и на оние кои се од нив водени, зашто целиот народ го водат само до сопствениот џеб и неподобен е оној кој ќе се спротивстави да влезе во него.

Пред неколку седмици навестивме на ТВ Храм, а истото го стори неодамна и Епископот бачки г. Иринеј во неговото опширно годишно интервју за Печат, дека со тоа што престануваат државните прогони на членовите на Православната Охридска Архиепископија се создаваат услови за преговори меѓу СПЦ, ПОА и МПЦ за канонскиот статус на последнава. Но, многу добро подготвените и информирани аналитичари од нашата татковина, секако иронично кажано дека се подготвени и информирани, веднаш побрзаа да изјават дека СПЦ се уплашила што игуменот на Бигорскиот манастир бил примен од Константинополскиот Патријарх, па затоа наскоро ќе имало преговори.

Таквите неграмотни аналитичари, не само во религиозната област, туку и во политиката, кои ги поставуваат работите како нашата татковина да е центар на сите светски збиднувања придонесоа нашата држава последниве 30 години незапирливо да назадува во сите делови од државноста. Надменоста и незнаењето му се најголеми непријатели на човекот за неговиот општествен развој.

 

Затоа, чеда возљубени во Христа воплотениот Бог и Спасител,

да бегаме од надменото однесување и од сѐ она што не го прославува Бога, туку има намера да нѐ прославува самите нас. Тоа не е во согласност со Божјото смирение кое ни е покажано од Него најповеќе денес, на денот на Неговото раѓање кое се случи само заради нас и нашето спасение.

 

 

ХРИСТОС СЕ РОДИ!

 

 

Издадено на Божиќ  2021г.

во Ставропигијалниот манастир „Св. Јован Златоуст“ во Битола

 

Ваш молитвеник пред Бога,

 

 

Архиепископ и Митрополит
Охридски и Скопски Јован

]]>
http://poa-info.org/arhiepiskop/poslanija/20220105.html
http://poa-info.org/sinod/poslanija/20220107.html свет архиерејски синод - посланија

Српска Православна Црква својој духовној деци о Божићу 2021. године

ПОРФИРИЈЕ

по милости Божјој

православни Архиепископ пећки, Митрополит београдско-карловачки и Патријарх српски, са свим aрхијерејима Српске Православне Цркве – свештенству, монаштву и свим синовима и кћерима наше свете Цркве: благодат, милост и мир од Бога Оца, и Господа нашега Исуса Христа, и Духа Светога, уз радосни божићни поздрав:

МИР БОЖЈИ – ХРИСТОС СЕ РОДИ!

Целиот текст на пасхалното послание на Српската Православна Црква на следниов линк: http://spc.rs/sr/bozhitshna_poslanica_srpske_pravoslavne_crkve_11

]]>
http://poa-info.org/sinod/poslanija/20220107.html
http://poa-info.org/./../cestitka_rozdestvo.html - Честито Рождество Христово

Од Информативната служба на Православната Охридска Архиепископија

]]>
http://poa-info.org/./../cestitka_rozdestvo.html
Излезе од печат црковниот календар за 2022 г., на Архиепископијата охридска и Митрополија скопска http://poa-info.org/vesti/2022/01/20220105.html вести 05.01.2022

Од печат излезе православниот календар за 2022 г., во издание на Архиепископијата охридска и Митрополија скопска. Овој календар е посветен на 20 годишнината од воспоставувањето на канонското и литургиското единство.

Календарот започнува со пролог од Неговото Блаженство Архиепископот охридски и Митрополит скопски г.г. Јован, којшто во продолжение го пренесуваме во целост.

Во ова издание, по повод јубилејот, издвоени се повеќе одредени суштински битни искази на Архиепископот охридски г.г. Јован, кои сведочат за душеспасителното литургиско единство на Едната Света Соборна и Апостолска Црква

Како и секоја година, во календарот се отпечатени и табелите со евангелските и апостолските читања за неделите и за сите поголеми празници во годината, како и кратки поуки

Календар 2022


]]>
Wed, 05 Jan 2022 00:00:00 +0100 http://poa-info.org/vesti/2022/01/20220105.html
Пролог за календарот за 2022 година http://poa-info.org/arhiepiskop/osvrti/20220105.html архиепископ - осврти

Оваа година се навршуваат 20 години од воспоставувањето на канонското и литургиско единство на Православната Охридска Архиепископија со Српската Православна Црква, а преку неа и со сите останати православни Цркви во светот. Мал јубилеј за значајната историја на Црквата што се напиша во ова кратко време.

Вакви политички гонења какви што претрпевме скоро сите во нашата Црква, почнувајќи од Епископите, свештенослужителите, монасите, но и многумина од верниот народ, немало одамна. Но, да не заборавиме, вистинската Црква е основана на првомачеништвото Христово, утврдена е на мачеништвото на мачениците, а се восовршува преку современите сведочења за верата.

Современата историја на нашата Црква, пак, преполна е со сведоштва за жртвувања за единство во верата. Од тогаш, кога полицијата без никаква писмена одлука на судот во Република Северна Македонија, а само со одлука на расколниците нѐ изгони од последното мирно владеење на домот, беззаконието на властите, со „благослов” на расколниците не престана. Од тогаш поминаа цели 20 години, а напредокот на државата е рамен на нула.

Врвот на едно општество се критериумите што ги промовира и ги поддржува Црквата, а ако солта не е солена? Држава која ја гонела Црквата значи дека мижела пред препораките од сопствената совест, или пак се тешела со критериумите воспоставени од оние кои не се грижат дека се робови на расколот.

Во секој случај, за ваквата незаинтересираност на населението на оваа држава за единството на Црквата нема никакво логично објаснување. Црква без единство со другите Цркви не постои и треба поприлично да сме ограничени во умствените капацитети та да не сфаќаме дека Црквата постои за да направи единство на „многуте” со „едниот” Христос, тоа значи на сите створени битија со Бога, не постои за да соедини еден или двајца со Бога, па дури и еден цел народ со Бога, а сите други да отфрли. Затоа, нема спасение без единство со Црквата, која е една и единствена, а не е ниту секој човек посебна Црква, ниту пак секој народ може да има своја Црква која е независна од другите Цркви.

Црквата на овие простори отсекогаш, векови наназад била во единство со другите православни Цркви и секогаш останала во единство со нив. Само последниве педесетина години, безбожниот комунизам кој се мешаше во црковните работи, ја доведе Црквата на овие простори до амбис од кој е невозможно сама да се извлече. Наместо таа да биде врвен идентитет на верниците, многумина нејзини верници ја држат за последен идентитет од многуте идентитети што ги има секој човек.

Денес не живееме во безбожното социјалистичко општество, но критериумите за Црквата и кон Црквата на оние што биле на власт низ последниве 30-тина години, време колку што постои нашава современа држава останале да бидат наредбодавачки. Останале Црквата да ја третираат како канцеларија што треба да биде контролирана од властите.

Кога Православната Охридска Архиепископија, која пред 20 години се појави како независна Црква, каква што Црквата била и во многу понезгодни времиња, властите во нашата држава, слично како Ирод кој погуби многу младенци за да го убие младенецот Христос, се обидоа да ги сотрат сите членови на нашата Црква. Спроведуваа апсења, притворања, судски процеси, мене ме ставија пет и пол години во затвор, но што добија?

Конечна победа во борбата со Црквата до сега никој не забележал, особено на долговременски граници. Останаа гонителите, а пред сѐ властите во нашата држава без постигната цел да ја уништат Црквата, но тоа ги посрами, им го срози угледот и ги покажа пред сите на колку ниско цивилизациско ниво опстојуваат. Но, тоа не нѐ прави нас кои веќе 20 години ги трпиме пубертетските нагони на властите во нашата татковина, задоволни и надмени дека сме ги победиле. Подбивот што паѓа врз нив, паѓа и врз нас, зашто тие се власти во нашата држава и луѓето од другите држави за нас судат и нѐ оценуваат токму по постапките на власта. И ако тие постапки се незрели, какви што беа постапките на власта кон Православната Охридска Архиепископија, дури и нашите постапки да се зрели, луѓето даваат општа оцена за еден народ најчесто според постапките на властите во таа држава.

Овие лекции низ долгата историја на Црквата веројатно ги поминале и други држави и порано од нашите властодршци сфатиле дека секоја борба со Црквата води во неизбежен пораз на тие што ја гонат Црквата. Сега дојде редот на нашата млада држава и на несериозните властодршци кои ја владеат, но очигледно без капацитет да ја сфатат големината на човековата слобода.

Чест ми е на сите членови на Православната Охридска Архиепископија да им го честитам овој мал, но значаен јубилеј од кога официјално се раскрстува со влијанијата на безбожните комунисти во Црквата на овие простори, да ја честитам Новата 2022 година и на верниот народ да му посакам да го има Божјиот благослов и во годината што претстои.

Архиепископ охридски и
Митрополит скопски Јован

]]>
http://poa-info.org/arhiepiskop/osvrti/20220105.html