Pravoslavna Ohridska Arhiepiskopija
 

Вести


 

Синаксар


 

Издаваштво


Прашања, одговори
и коментари


 

Врски


 

Видео и аудио записи


 

Архиепископ


Свет
Архиерејски
Синод


 

Историја


 

Организација
и адреси


 

Библиотека




English Version

Современите Прогони на Православната Црква: Македонскиот раскол

Митрополитот црногорско-приморски г. Амфилохиј: Никој од МПЦ не бара да стане српска или грчка црква, туку од расколот да се врати во канонска состојба


RSS  rss
FaceBook  FaceBook
YouTube  YouTube


рубрика: вести

01.02.2015

Празникот на светиот маченик Трифун, торжествено и со особено црковно благолепие, се прославува во Килкис (Кукуш), Р. Грција.

Со благослов и на покана од Високопреосвештениот Митрополит килкисиу и полијанис г. Емануил, на празнувањето на светиот маченик Трифун во Килкис, оваа година учество зеде Неговото Преосвештенство Епископот стобиски и Местобљустител струмички г. Давид.

На 30 Јануари, во склоп на вечерната богослужба Епископот г. Давид соврши водосвет и со пригодни зборови му се обрати на верниот народ. Потоа, во придружба на Архимандритот Епифаниј, во Салата за манифестации на општината Килкис, присуствуваше на приредбата во чест на светите Три Јерарси, коишто во Р. Грција се празнуваат како ден на просветата.

На 01 Февруари, Епископот г. Давид началствуваше на светата Архиерејска Литургија, во сослужение на свештенослужители од Митрополијата килкисиу и полијанис, како и од Православната Охридска Архиепископија. Исто така, Епископот г. Давид и беседеше во текот на Литургијата.

После Литургијата, за верниот народ беше подготвена трпеза. Без исклучок, сите присутни покажаа голем интерес за Неговото Блаженство Архиепископот охридски и Митрополит скопски г.г. Јован и за Православната Охридска Архиепископија, упатувајќи ги своите срдечни молитви за негово што поскоро ослободување од затворот и за прекин на прогонот на Црквата, чијшто Претстојател е Архиепископот охридски Јован.

Епископот г. Давид го посети и манастирот „Свети Великомаченик Георгиј“, кадешто направи молитвен помен на гробот на претходниот Митрополит килкисиу, блаженоупокоениот Апостолос.


рубрика: вести

27.01.2015

По повод прославата на првиот Архиепископ српски Сава, со пригодна програма, во Врање, беше одржана свечена Академија.

На покана на Неговото Преосвештенство Епископот врањски г. Пахомиј на Академијата беседеше Неговото Преосвештенство Епископот стобиски и Местобљустител струмички г. Давид.

Следниот ден, празникот беше прославен литургиски со црковно благолепие. Со благослов на Епископот домаќин, којшто и самиот сослужуваше, на светата Архиерејска Литургија началствуваше Епископот стобиски г. Давид во сослужение на поголем број свештеници и ѓакони.

На крајот од Литургијата со пригодна беседа се обрати Епископот г. Давид, а Епископот г. Пахомиј ги поздрави присутните професори од факултетите и средните школи, бидејќи тие го празнуваат споменот на светиот Сава како нивни празник на просветата.


рубрика: вести

27.01.2015

На покана од граѓаните од српска националност, коишто припаѓаат на Православната Охридска Архиепископија, во с. Кучевиште, скопско, беше совршена службата на благословување на славскиот колач, по повод празникот на светиот Сава, Архиепископот српски.

Години наназад, оние Срби коишто се црквуваат во канонската Црква на Р. Македонија, за своите празници повикуваат канонски, православен свештеник. Така и оваа година за празникот на светиот Сава, службата ја совршија свештенослужители од Православната Охридска Архиепископија.

Оние Срби, коишто се верници на Православната Охридска Архиепископија, продолжуваат да се жалат на одземањето на нивните основни верски слободи од страна на државата, првенствено со упорното судско одбивање да биде регистрирана Црквата на која по слободен избор ѝ припаѓаат, како и со државниот прогон, монтираните судски процеси и затворските казни за Неговото Блаженство Архиепископот охридски и Митрополит скопски г.г. Јован.


рубрика: архиепископ\соопштенија

→ Русский

→ Српски

→ English

19.01.2015

Кривичниот совет при Основниот суд Скопје I, од Скопје, на 09 Јануари 2015 год., донесе одлука за ослободување на Архиепископот охридски и Митрополит скопски г.г. Јован од затворот Идризово.

Минатата седмица Јавното обвинителство издаде писмено соопштение дека нема да упатува жалба на постоечката судска одлука за ослободување на Архиепископот Јован.

Денес, кога во Р. Македонија е државен празник и неработен ден, Јавното обвинителство го смени ставот од пред само неколку денови, и во средствата за информирање објави дека токму денес ја поднело жалба на донесената судска одлука.

Следствено, Архиепископот охридски г.г. Јован, иако постоеше судска одлука за негово ослободување, денес, во предвидениот рок, сепак не беше ослободен од затворот.


рубрика: вести

11.01.2015

Во неделата по Рождеството Христово, кога Црквата го празнува споменот на светиот пророк, цар и псалмопевец Давид, Неговото Преосвештенство Епископот стобиски и Местобљустител струмички г. Давид, го прослави својот именден.

На светата Архиерејска Литургија началствуваше Неговото Преосвештенство Епископот пакрачко-славонски г. Јован, во сослужение на Нивните Преосвештенства, Епископот брегалнички и Местобљустител битолски г. Марко и Епископот стобиски и Местобљустител струмички г. Давид, како и на свештенослужители од рашко-призренската Епископија и од Православната Охридска Архиепископија.

После прочитаното Евангелие со вдахновена беседа на верниот народ му се обрати Епископот пакрачко-славонски г. Јован. После благословувањето на коливото, на Епископите г. Јован и г. Марко, на чесното свештенство, на игуманијата Кирана со сестринството и на собраниот верен народ им се обрати Епископот г. Давид, заблагодарувајќи им, со пригодни зборови, на честитките за именденот.

Епископите со верниот народ ја изразија радоста од веста за ослободувањето од затворот на неправедно прогонетиот и затворен Архиепископ охридски и Митрополит скопски г.г. Јован, којшто страда за единството и соборноста на Црквата, истакнувајќи го истовремено својот копнеж што побрзо да се сретнат со својот Претстојател.

Епископите и припадниците на Православната Охридска Архиепископија усрдно се помолија за литургиско единство со сите оние кои пребиваат вон Соборноста на Црквата, повикувајќи ги да се ослободат од предрасудите, та страдањата на Неговото Блаженство Архиепископот охридски и Митрополитот скопски г.г. Јован и на Соборната Црква, да станат и нивно црковно наследство, за така, врз сите заедно да се исполнат зборовите: вратите на пеколот, Соборната Црква нема да ја надвладеат (Матеј. 16.18)!

После завршувањето на Литургијата, за присутните беше приредена трпеза.


рубрика: вести

07.01.2015

Празникот на Рождеството Христово денес беше прославен во сите богослужбени места на Православната Охридска Архиепископија.

Православната Охридска Архиепископија го прославува Рождеството Христово во особени околности кога нејзиниот Претстојател, Архиепископот охридски и Митрополит скопски г.г. Јован, повеќепати е затворан, а и во мигов, повеќе од три години, неправедно се наоѓа во затвор заради неговата определба да ги чува Единството и Соборноста на Црквата.

За празникот на Рождеството Христово, Неговото Преосвештенство Епископот полошко-кумановски и Местобљустител дебарско-кичевски г. Јоаким богослужеше во Куманово.

Неговото Преосвештенство Епископот брегалнички и Местобљустител битолски г. Марко богослужеше во Штип.

Неговото Преосвештенство Епископот стобиски и Местобљустител струмички г. Давид, богослужеше во Скопје.

Во сите богослужбени места низ нашата татковина, верниот народ на Православната Охридска Архиепископија славејќи го Рождеството Христово, усрдно му се молеше на Богомладенецот Христос за што побрзо ослободување на Неговото Блаженство Архиепископот охридски г.г. Јован од затворот во Идризово.

На денешниот ден трулежното и нетрулежното се проникнуваат во единство. Следствено, Рождеството Христово во суштина и претставува повик кон сите луѓе, коишто го немаат тоа Единство - да влезат во Единството на Телото Христово, во спасителната Соборност на нашата Црква!

ХРИСТОС СЕ РОДИ!


рубрика: вести

25.12.2014

Во време кога Неговото Блаженство Архиепископот охридски и Митрополит скопски г.г. Јован се наоѓа повеќе од три години во затворот „Идризово“, од печат излезе најновиот број (40-42), на „Соборност“, периодиката на Архиепископијата охридска и Митрополија скопска.

Дел од содржините, коишто се застапени во овој број се: беседа на Преображение на светиот Григориј Палама, текстовите: „Основата на нашиот живот е трпението“ на старецот Ефрем од Аризона, „Неодржливоста на атеизмот“ на Павел Евдокимов и други.

Во периодиката е поместен и краткиот хронолошкиот преглед на настаните во Архиепископијата, коишто го обележаа периодот од минатиот до овој број на периодиката „Соборност“, а за најмладите, како и во претходните броеви, одделен е илустрираниот подлисток „Соборко“.

Целата содржина на овој број на периодиката можете да ја видите на следнава адреса: Соборност 40-42

© православна охридска архиепископија 2004-2015
http://spc.rs - Српска Православна Црква Orthodox Christianity.ru www.kolivart.com - интернет каталог на манастирот Успение Богородично
wap презентација - www.poa-info.org/wap