рубрика: вести
28.01.2012
Белградскиот весник „Вечерње Новости“ за затворањето на Архиепископот Јован
Белградскиот дневен весник „Вечерње Новости“ во своето издание од 27 Јануари, објави текст посветен на затворањето на Неговото Блаженство Архиепископот охридски и Митрополит скопски г.г. Јован.
Новинарот М. Станчиќ прави кратка ретроспектива на судскиот процес во којшто Архиепископот Јован, во два наврати, беше ослободуван, за третиот пат да биде осуден во отсуство.
Новинарот се осврнува и на одолговлекувањето на процедурата од страна на пословичното македонско судство во однос на овозможувањето на основното законско право на Архиепископот Јован да се брани од слобода.
Текстот од „Вечерње Новости“, во продолжение го пренесуваме во целост:
Arhiepiskop Jovan čami u makedonskom zatvoru
M. STANČIĆ | 27. januar 2012.
Poglavar ohridske arhiepiskopije SPC čami u zatvoru Idrizovo. Narušenog zdravlja, bez terapije, i prava na pričešće i posete
U IZUZETNO teškim uslovima, najstrožeg odeljenja zatvora Idrizovo, kod Skoplja, po treći put utamničeni poglavar Pravoslavne ohridske arhiepiskopije SPC, arhiepiskop ohridski i mitropolit skopski Jovan (Vraniškovski), ozbiljno narušenog zdravlja, bez adekvatne terapije, pričešća, prava na posete, uskraćenih komunikacija, očekuje odluku Osnovnog suda u Velesu o eventualno novom sudskom postupku u njegovom prisustvu.
U iščekivanju te odluke arhiepiskop Jovan ostaje u najstrožem odeljenju zatvora Idrizovo, uprkos činjenici, kako tvrdi vladika stobijski David, "da još uvek nije završena procedura kako bi mu se ponovio sudski postupak u njegovom prisustvu".
- U tom odeljenju Idrizova ne drže ni najteže kriminalce, ali arhiepiskopa da. Na snazi su neshvatljive mere predostrožnosti po kojima, bez posebnog odobrenja uprave za sankcije, nisu dozvoljene nikakve posete, čak ni advokata – kaže vladika David.
Pred Krivičnim većem Osnovnog suda u Velesu, tri puta je suđeno arhiepiskopu Jovanu za isto delo navodne utaje iz perioda dok je bio vladika kanonski nepriznate MPC.
U dva navrata je sudija Valentin Zafirov donosio oslobađajuće presude. Apelacioni sud u Skoplju je međutim uvek predmet vraćao na ponovno suđenje. Sve dok Zafirov nije uklonjen, pa čak i razrešen, i u trećem, popravnom procesu, novopostavljeni sudija Tanja Milevska osudila ga je na dve i po godine robije što je Apelacija u Skoplju – potvrdila.
Presuda predviđa najtežu do sada izrečenu kaznu arhiepiskopu Jovanu, koji je prethodno u dva navrata izdržavao po 15 meseci robije u zatvoru Idrizovo. Najpre za tobožnje širenje verske, rasne i nacionalne mržnje i netrpeljivosti propagiranjem pravoslavlja u Makedoniji, a potom i zbog tobožnje utaje 57.000 evra za obnovu hrama Svetog Pantelejmona u Velesu, iako taj novac nikada nije bio u njegovom posedu i vraćen je MPC.
- U Osnovnom sudu u Velesu čeka se zvaničan izveštaj pravosudnih organa Bugarske kojim bi trebalo da se potvrdi tačan datum kada je vladika dobio osuđujuću presudu. Dok se nalazio u sofijskom pritvoru, presudu suda iz Velesa primio je 14. decembra 2010. Žalba na tu presudu je podneta 14. decembra lane, dakle, u zakonskom roku, posle njegovog hapšenja na prelazu Medžitlija, na ulasku iz Grčke u Makedoniju i sprovođenja u zatvor Idrizovo. Po dobijanju akta iz Sofije sud bi trebalo konačno da odluči o početku novog procesa u njegovom prisustvu, jer je osuđen u – odsustvu – objasnio je za "Novosti" branilac utamničenog poglavara POA, ugledni bitoljski advokat, Vasko Georgijev.
Vladika David, međutim, tvrdi da je u zahtevu za obnovu postupka već dostavljen takav dokument suda u Sofiji. Sada se ponovo preko pravosudnih organa Bugarske zahteva taj isti akt.
Ukoliko postupak bude obnovljen, ostaje pitanje da li će u narednih pet meseci proces biti i okončan, jer apsolutna zastarelost dela "stiže" u junu, kada ističe deset godina od starta tog sudskog maratona.
BEZ REGISTRACIJE
Vlasti u Skoplju odbijaju da registruju delovanje kanonske POA SPC, pod obrazloženjem da zakonsko zadovoljenje pravoslavnog "pokrića" u zemlji ima samo jedna, iako kanonski nepriznata Makedonska crkva.
Vladika David podseća da se u svim izveštajima, američkog Stejt dipartmenta, EU, OEBS, redovno navodi da su u Makedoniji ugrožena ljudska prava i sloboda veroispovesti.
BUGARSKI "PARAGRAF"
Arhiepiskop Jovan presudu Suda u Velesu 14. decembra 2010. primio je u Bugarskoj, gde se nalazio u kućnom pritvoru, posle hapšenja 17. novembra, upravo zbog te osude u odsustvu. Priveden je na prelazu Kalotina, na putu iz Grčke za Srbiju. Odlukom Apelacionog suda u Sofiji, iz juna prošle godine, odbijen je zahtev Makedonije za njegovo izručenje i on je oslobođen. Apelacija u Sofiji je uvažila njegovu žalbu, uz ocenu "da se radi o politički motivisanom procesu u Makedoniji".
рубрика: вести
20.01.2012
Белградскиот весник „Политика“: Строг затвор за Архиепископот Јован
Во вчерашното издание, белградскиот дневен весник „Политика“, објави текст за судскиот процес и затворањето на Неговото Блаженство Архиепископот охридски и Митрополит скопски г.г. Јован во затворот во Идризово. Во нејзиниот текст, новинарката Јелена Чалија прави пресек на случувањата од моментот на апсењето на Архиепископот Јован на 12.12.2011 год., преку одолговлекувањето на судската процедура од страна на пословичното македонско судство, па до префрлувањето на Архиепископот Јован во затворениот дел на затворот „Идризово“!
Споменатиот текст во продолжение го пренесуваме во целост.
Строги затвор за Архиепископа охридског Јована
Такву одлуку донела је затворска управа скопског затвора Идризово иако судски процес против митрополита скопског није завршен.
Архиепископ охридски и митрополит скопски Јован (Вранишковски) пребачен је из пријемног дела скопског затвора Идризово у затворени део где се издржавају казне по најстрожем третману, а забрањена му je и свака комуникација изван затвора.
Охридска архиепископија објавила је да је овакву одлуку донела затворска управа иако је судски процес против архиепископа Јована још у току, односно Основни суд у Велесу тек треба да донесе одлуку да ли ће он издржавати казну од две и по године затвора или ће му бити поновљено суђење. Према наводима из Охридске архиепископије, која је у канонском јединству са Српском православном црквом, оваква одлука је производ притисака непризнате Македонске православне цркве „која je инсистирала да архиепископ Јован буде стављен под најстроже затворске услове". Епископ стобијски Давид каже за наш лист да у делу затвора у којем се сада налази архиепископ Јован казне издржавају они који су осуђени на више од 10 година затвора и да охридски архиепископ, који je у судском процесу који се водио у његовом одсуству, осуђен на две и по године затвора због проневере 240.000 евра црквеног новца, ни по ком основу не би требало да буде ту смештен.
- To је нешто што се вероватно први пут догађа да неко ко чека да се заврши судски процес буде пребачен у затворено одељење, док они који су осуђени на десет година затвора, на пример, издржавају казну у полуотвореном одељењу. Основни суд у Велесу је укинуо архиепископову казну, јер је био осуђен у одсуству и дао му право да му буде поновљен процес и да се брани са слободе. Онда се јавни тужилац на то жалио, па је Апелациони суд поништио решење и опет вратио да Основни суд у Велесу одлучује ο томе – каже владика Давид.
С архиепископом Јованом епископ стобијски видео се последњи пут када је ухапшен на граници с Грчком, 12. децембра прошле године. Од тада га нико није посетио у затвору.
- Није могао да га посети ни адвокат нити било ко други, посете су му забрањене од првог дана. Да бисмо могли да га обиђемо у затвору, потребна нам је дозвола Управе за санкције, коју нам никад нису дали. И прошли пут када је био затворен нисмо могли да га посетимо, чак једном када смо му однели причест, вратили су нас. Док је био у пријемном одељењу затвора, архиепископ Јован је имао могућност да се понекад, додуше ретко, јави са телефонске говорнице која постоји у кругу затвора, али сада у затвореном одељењу нeмa ни ту могућност - објашњава владика Давид.
У неколико саопштења, поводом поновног хапшења архиепископа Јована, Охридска архиепископија истицала је да су многе одлуке у вези с његовим суђењем и затварањем државни и судски органи донели под снажним притиском неканонске Македонске православне цркве, чија су двојица епископа недавно и јавно позвала да за архиепископа Јована буде одређен строги затворски третман, јер је крив за дела која му се стављају на терет.
- У свим међународним извештајима, америчког Стејт дипартмента, Европске уније, ОЕБС-а, стоји да је Македонија земља у којој су угрожена људска и верска права. Последњих шест година у извештајима Стејт дипартмента увек се помиње проблем регистровања Охридске архиепископије као аутономног дела СПЦ и проблем затварања архиепископа Јована. Чак га је Амнести интернешенел прогласио за затвореника савести – истиче владика Давид.
Свети архијерејски Синод СПЦ у саопштењу за јавност поводом одлуке да архиепископ Јован буде пребачен из пријемног одељења затвора наводи да „ово флагрантно кршење закона од стране судских органа и органа гоњења у БЈР Македонији, као и најаве да исти намеравају, и даље кршећи сопствене законе, или да му потпуно ускрате поновно суђење или да га до суђења држе у тамници, показују да њега третирају неупоредиво строже него и најтеже криминалце".
Ј. Чалија
рубрика: архиепископ\соопштенија
17.01.2012
Архиепископот охридски Јован префрлен во најстрогиот затворен третман во затворот Идризово
Неговото Блаженство Архиепископот охридски и Митрополит скопски г.г. Јован, на 16-ти Јануари 2012 год., во попладневните часови, беше префрлен од приемното одделение на затворот Идризово, во затворениот дел од затворот.
Иако сè уште не е завршена процедурата по решавањето да му се повтори судската постапка и тој да може да се брани во негово присуство, затворската управа одлучила да го смести Архиепископот Јован во одделението кадешто се извршуваат санкциите со најстрог третман.
Казната, којашто Архиепископот Јован ја има добиено во судскиот процес во којшто беше суден во отсуство изнесува двеипол години затворска казна, но тоа воопшто не е висина на казна за да го добие најстрогиот затворен третман, бидејќи други осуденици, со многу повисоки казни, добиваат или полуотворен или отворен третман.
Од информациите, коишто допираат во јавноста, тоа решение е резултат на барањата на расколничката МПЦ, којашто инсистирала Архиепископот Јован да биде ставен под најстроги затворски услови и да му се отежнат сите комуникации надвор од затворот.
Од: Канцеларијата на Архиепископијата охридска и Митрополија скопска
рубрика: вести
17.01.2012
Деканот г. Михаил Тритос: Мачеништвото на Архиепископот охридски г.г. Јован
Деканот на Теолошкиот факултет во Солун и Професор по Историја и современиот живот на словенските и останатите православни Цркви, г-дин. Михаил Тритос, за Romfea.gr, го коментираше најновото, петто по ред, затворање на Архиепископот охридски и Митрополит скопски г.г. Јован, во затворот Идризово.
Помеѓу останатото, Деканот г-дин. Михаил Тритос го истакна следново:
Во последно време со болка во душата и огорченост го следиме бруталното кршење на човековите права во личноста на Архиепископот охридски и Митрополит скопски г.г. Јован. Овој маченик Јерарх прима последователни осудувачки пресуди од страна на судовите во Скопје, бидејќи имаше храброст да објави дека црквата во Скопје е расколничка и ги презира основните начела на православната еклисиологија, а ги претпочита етнофилетистичките цели. На почетокот беше обвинет за распалување на верска и национална омраза. Во последно време е обвинет за проневера на пари.
За жал, една земја којашто тврди дека ги почитува човековите права и верските слободи и има желба да влезе во НАТО и Европската Унија, во нејзината основа негува еден авторитарен режим и се залага за физичко и морално уништување на Архиепископот Јован со премолчно бездејствие и рамнодушност на Европската Унија и Соединетите Американски Држави.
Извор: http://www.romfea.gr/index.php?option=com_content&view=article&id=10602
рубрика: вести
15.01.2012
Православните Епископи од Америка го осудија затворањето на Архиепископот охридски г.г. Јован и побараа негово ослободување
Соборот на канонските православни Епископи на северна и централна Америка е составен од активните Епископи, претставници на сите помесни православни цркви (станува збор за Епископи од сите националности: Американци, Романци, Бугари, Срби, Руси, Грци, Грузијци и т.н.).
Овој Собор на Епископи од Америка, во соопштение објавено на нивната интернет страница, го осуди затворањето на Архиепископот охридски г.г. Јован и побара негово ослободување.
Нивното барање е упатено до американскиот Стејт Дипартмент, Конгресот и Сенатот, како и до сите влади во земјите од коишто потекнуваат, со цел забрзување на процесот.
Во продолжение го пренесуваме споменатото барање:
По примањето на информацијата дека Архиепископот охридски Јован е уапсен на 12-ти Декември 2011, при влегувањето во Република Македонија, на границата со Грција, Jерарсите од Соборот на канонските православни Епископи на северна и централна Америка ја потврдуваат позицијата којашто ја завзема Постојаната конференција на канонските православни Епископи во Америка (SCOBA), во Август 2005, и уште повеќе, повторно изјавува дека прогонот и новото затворање на Архиепископот Јован од страна на Република Македонија, претставува безобразие, та бара негово неодложно ослободување.
Ова апсење има историја од неколку години, а започна кога расколничката црква во Република Македонија почна да ја гони канонската Охридска Архиепископија, автономен дел на Српската Православна Црква.
Ова затворање, како и претходните, претставува кршење на верските слободи во една наводно слободна земја. Еден признат, канонски православен Јерарх да биде затворен повторно, под лажни обвиненија, додека се труди да ги исполнува неговите верски задолженија, едноставно е апсурдно.
Се приклучуваме, повторно, кон Светиот Синод на Српската Православна Црква во барањето за ослободување на Архиепископот Јован. Бараме од властите на Република Македонија да ја исправат оваа неправда и да го ослободат Архиепископот Јован, без одлагања. Уште повеќе, ги повикуваме нашите влади да се застапат и да ги применат соодветните мерки за да го забрзаат овој процес.
Извор: http://assemblyofbishops.org/news/releases/archbishop-jovan-release
рубрика: архиепископ\соопштенија
13.01.2012
Соопштение
Расколничката организација во Р. Македонија, “Македонската православна црква”, нескриено дејствува врз судството во Р. Македонија, против правата на Неговото Блаженство Архиепископот охридски и Митрополит скопски г.г. Јован. Имено, нема таков осуденик во Р. Македонија, којшто бил суден во отсуство, а да не му биде одобрено повторно судење во негово присуство, штом за тоа постојат услови, коишто се пропишани со закон.
Расколничката МПЦ дејствува во насока на Архиепископот Јован да не му се дозволи да има повторно судење, иако тој е осуден во отсуство и ги исполнува сите услови, коишто се пропишани со закон за да му се одобри повторно судење. Архиепископот Јован веќе еден месец е во Р. Македонија, во затворот Идризово, и од таму бара да му се овозможи повторно судење, а притоа приложен е доказ, дека го запазил терминот во рок од една година од кога дознал за пресудата, да бара повторување на постапката. И, бидејќи беа исполнети сите услови да му се даде повторување на постапката, Првостепениот суд во Велес тоа го направи по итна постапка, но на таа одлука преку Јавниот обвинител се жалеше расколничката МПЦ. Жалбата од МПЦ не беше во однос на тоа што на Архиепископот Јован му се дозволи да се брани од слобода, туку беше барање воопшто да не му се дозволи да има повторено судење во негово присуство. Апелациониот суд во Скопје го врати предметот на повторно одлучување во судот во Велес и сега постои можност судот во Велес воопшто да не дозволи да има повторно судење за Архиепископот Јован во негово присуство. Со тоа тој би бил прв и единствен пример во Р. Македонија на кого нема да му се дозволи законското право да биде суден во присуство.
За овој предмет, за којшто се бара повторување на судската постапка, Архиепископот Јован е веќе двапати ослободуван, кога имал можност да се брани во присуство. Третиот пат судот решава во негово отсуство, и го осудил. Значи, на Архиепископот Јован како да му било укинато правото да се брани, а на крај тој бил осуден. Сега МПЦ бара нешто што е крајно противзаконито, на Архиепископот Јован да му се наложи издржување на затворска казна од судски процес во кој тој немал можност да се брани.
Знаејќи во колкава мера се кршат човековите права, а особено верските права во Р. Македонија, и имајќи предвид дека против Архиепископот Јован сите досегашни судски процеси биле политички, барањето на Јавниот обвинител иако е незаконито воопшто не е чудно. Чудно е што тоа е иницирано и подржано од расколничката МПЦ. МПЦ, иако е во раскол со сите Православни Цркви, истовремено е верска организација. За било која верска организација, но особено за Христијаните, својствено е да застанат во одбрана на човековите и верските права, па дури и да бидат милостиви кон оние што прекршиле некој закон; но, наспроти тоа, МПЦ прави сè да ги наруши во потполност и така ограничените човекови и верски права на Архиепископот Јован. Кога во 2005 год., Архиепископот Јован беше осуден за распалување на национална и верска омраза и беше во затвор, еден од епископите на МПЦ, и тоа светогорец - како што сам себе се нарекува (бил седум години на Света Гора), бараше од тогашните власти на Архиепископот Јован да му се суди за предавство на државата и да добие доживотна затворска казна. Конечно, во последниве 30 денови, додека Архиепископот е во затвор, се јавија со свои изјави во јавноста двајца и тоа од најстарите епископи на МПЦ, барајќи од државата, Архиепископот Јован да остане во затвор и да не му се овозможува да се брани во негово присуство.
Ваквите дејства и изјави на епископи од расколничката МПЦ не се за коментирање бидејќи нивната безобразност, а особено нехристијанска основаност е лесно воочлива. Веќе сите меѓу православните, па дури и пошироко, го признаваат Архиепископот Јован за современ исповедник на верата, но прашањето што се поставува е: како расколничката МПЦ со вакво дејствување и целосно нехристијански менталитет мисли дека може да влезе во единство со другите Цркви? Очигледно е дека таа нема искрена намера да биде вистинска Црква и да излезе од расколот, но за да не биде третирана како еретичка организација, таа сака во јавноста да остави впечаток дека е заинтересирана да се реши состојбата на раскол во којашто се наоѓа.
Сепак, Црквата е семејство, коешто може да си ги распознае своите домашни.
Од: Канцеларијата на Архиепископијата охридска и Митрополија скопска
рубрика: архиепископ\соопштенија
12.01.2012
Соопштение
По жалба на Јавното Обвинителство од Велес и под силен политички притисок, Апелациониот суд во Скопје го укина решението на Првостепениот суд во Велес со кое на Архиепископот охридски и Митрополит скопски г.г. Јован му се одобри повторување на судскиот процес во кој тој беше осуден на затворска казна во отсуство.
Архиепископот Јован останува во затворот по барање на расколничката МПЦ, до ново одлучување на Првостепениот суд во Велес.
Од: Kанцеларијата на Архиепископијата охридска и Митрополија скопска
рубрика: вести
08.01.2012
Спомен на светиот цар и пророк Давид
Оваа година во неделата по Рождество Христово, заедно со соборот на Пресвета Богородица, Црквата го празнува и споменот на светите Богоотци: пророкот и цар Давид, праведниот Јосиф обручник, и Јаков, братот Господов по плот.
Викарот на Архиепископот, Неговото Преосвештенство Епископот стобиски и Местобљустител струмички г. Давид во неделата на светите Богоотци го прослави својот именден, споменот на светиот цар и пророк Давид. Со благослов на Неговото Блаженство Архиепископот охридски и Митрополит скопски г.г. Јован, на божествената Литургија началствуваше Викарот на Српскиот Патријарх, Преосвештениот Епископ липљански г. Јован. Нему му сослужуваа Неговото Преосвештенство Епископот брегалнички и Местобљустител битолски г. Марко и Епископот стобиски г. Давид, како и свештенослужители од Православната Охридска Архиепископија и од неколку епархии на Српската Православна Црква.
После прочитаното Евангелие беседеше Епископот липљански г. Јован.
После благословувањето на коливото, Епископот г. Марко му го честита именденот на Епископот г. Давид, а тој со пригодни зборови се заблагодари на честитките.
Епископите со верниот народ усрдно се помолија за што побрзо ослободување од затворот на Неговото Блаженство Архиепископот охридски и Митрополит скопски г.г. Јован, и истовремено му заблагодарија на Бога за тоа што ги дарувал со толку доблестен Архипастир.
После завршувањето на Литургијата, за присутните беше приредена трпеза.
рубрика: вести
07.01.2012
Прослава на Рождеството Христово во Православната Охридска Архиепископија
Празникот на Рождеството Христово денес беше прославен во сите богослужбени места на Православната Охридска Архиепископија.
Црквата во нашата земја, овоплотувањето Христово го прославува во околности на државен прогон на верска основа, кога нејзиниот Претстојател, Неговото Блаженство Архиепископот охридски и Митрополит скопски г.г. Јован, повторно е затворен, под лажни обвиненија.
За празникот на Рождеството Христово, Преосвештениот Епископ полошко-кумановски и Местобљустител дебарско-кичевски г. Јоаким богослужеше во Куманово.
Неговото Преосвештенство Епископ брегалнички и Местобљустител битолски г. Марко богослужеше во Штип.
Викарот на Архиепископот, Преосвештениот Епископ стобиски и Местобљустител струмички г. Давид, богослужеше во Скопје.
Во сите богослужбени места верниот народ на Православната Охридска Архиепископија усрдно му се молеше на Богомладенецот Христос за што побрзо ослободување од затворот на Неговото Блаженство Архиепископот г.г. Јован, впивајќи го истовремено секој збор од посланието, коешто нивниот Архипастир им го упати од затворот во Идризово.
ХРИСТОС СЕ РОДИ!
рубрика: архиепископ\посланија
Ј О В А Н
по милоста Божја, Архиепископ охридски и Митрополит скопски,
до целата полнота на нашата најсвета Архиепископија Охридска
Благодат, милост и мир, од родениот во Витлеем, Господ и Бог и Спасител наш Исус Христос
Браќа сослужители и во Христа возљубени чеда,
И оваа година Божикната посланица ви ја испраќаме од затвор, истовремено, согласно на зборовите на светиот Златоуст, благодарејќи му и славејќи го Бога за сè. Црквата никогаш не заборава дека и самиот Господ Христос беше во затвор, дека и мнозина од апостолите и отците исто така беа во затвор. Токму затоа имајќи го пред очи светото предание на Црквата ние од срце им простуваме на оние коишто бивајќи надвор од Црквата, нас нè сместија во затворот. Ах, кога само и историјата би можела да ја избрише сета омраза на оние, коишто ја гонат нашата Црква, и сите нивни дела против Црквата. Но, штом Христа го изгонија од градот, и Он требаше да се роди во пештерата, тогаш и затворот нека биде место на прослава на Рождеството Христово, бидејќи и токму Христос преку Неговото затворање го освети и самиот затвор, преку Рождеството ја освети целата творба.
Возљубени, мал е бројот на рождествата, коишто нашата Света Православна Црква ги одбележува и слави. Станува збор за рождеството на претечата Христов Јован, рождеството на Пресветата Богородица, и бездруго како што некои прекрасно велат: „мајката на сите празници“ - Рождеството Христово.
На овој ден, Светот се доближи до настанот после којшто ништо повеќе не e како порано. До настанот во кој времето се подели. Настанот во кој се исполни Стариот Завет, а започна Новиот Завет на луѓето со Бога. Тоа беше и настан во кој одминатите истории се сретнаа со својата сегашност, но и со својата иднина. Настан во кој дојде до прегратка на Бога и човекот, прегратка, со векови очекувана. Овој преславен настан на Рождеството Христово, од православните теолози карактеризиран како чин кога „Логосот стана тело и се всели помеѓу нас“, како што подоцна сведочи и возљубениот Господов ученик Јован, навистина е „единственото ново под Сонцето“ што се збиднало од шестодневот па сè до денес. Токму тоа Рождество и ние денес го сведочиме и го празнуваме.
Таа новост под оваа небесна покривка, браќа и сестри, воедно е и најголемото и најзначајното случување за нас луѓето и нашата човечка природа. Бог постана човек земајќи ја нашата падната природа на Себе. Но, и како Бог тој внимава да не го наруши она наше Божествено назначение, коешто ни го дарува, какви што нè створи, нашето назначение на слободни битија. Следствено, затоа и ни остава можност таа негова прегратка, по својата слобода да не ја прифатиме, па дури и да ја отфрлиме. Затоа Богословот Јован вели: „Дојде при своите, и своите не го примија“ (Јн. 1,10-11). Но, кои се тие „Негови“, коишто Него не го примија? Не се ли тоа оние на кои магнетизмот на овоземното, себеугодувањето на познати и непознати начини, им е поважен и позначаен од нашиот Спасител и севкупното создание? Не се ли тоа оние кои преку измами и самоизмами му робуваат на таткото на лагата, кој ги измами и нашите прародители? Не се ли тоа оние кои од неговата заслепувачка, а како таква и лажна блескавост на овој свет, не ја гледаат Светлината која ноќва се раѓа во Витлеемската пештера, туку само од адет прават театар со пештерата? И не им порачува ли, токму ним нашиот Спасител, на овие новите, во ништо поразлични од тогашните фарисеи и подбивачи со светињата: „Домот Мој е дом за молитва, а вие го направивте разбојничка пештера“ (Лк. 19,46)? А колку неброени се „таквите пештери“, денес во нашата татковина, и на крајот, не се ли нивните создатели истите оние кои живеат лажно претставувајќи се како Божја Црква, та така измамени и опиени со својата самодоволност, го мамат и прелестат народот кој се труди да пие од одамна пресушениот извор?
Што би можеле ние, возљубени, значајно и моќно да им порачаме и да им посведочиме, во оваа најсветла ноќ откако постои векот и човекот, на оние кои до денов денешен не видоа и не слушнаа, или не сакаат да го слушнат Оној, на Кого целата природа, сето земно создание и сета вселена му се поклонија и без престан му се поклонуваат?
Што би порачале на оние кои без престан го кинат Христовиот хитон, иако знаат дека нема поголем грев од удирањето по единството и соборноста на Црквата?
Секако, смирено би можеле да го предочиме нашето лично искуство од заедницата со живиот Бог. Да го понудиме својот личен удел, бидејќи тоа е единственото нешто што ќе остане нераспадливо, единственото вистинско, силно и плодотворно, што ќе може да посведочи во наше лично име.
Но, кое е нашето автентично искуство? Тоа е токму она поради коешто сме гонети и прогонувани од моќниците на овој свет, како што вели божествениот евангелист Јован Богословот: „дека целиот свет лежи во зло“ (1.Јн. 5,19). Тоа е она наше живо сведоштво и искуство на веќе споменатата прегратка со Живиот Бог, со штотуку родениот Богомладенец. Тоа е она што нашите гонители ги разобличува. Тоа е она што верно и недвосмислено го чуваме, еве веќе десет години, понекогаш во околности кои често го надминуваат секое достоинство на времето во коешто живее денешниот човек.
Токму тоа искуство, браќа и сестри, е најскапоценото што го поседуваме во нашите животи, бидејќи тоа на најблизок начин нè идентификува со оние кои ги повикуваме во своите молитви и на чиешто застапништво пред штотуку родениот Богомладенец се надеваме, оние кои одамна се овенчани со светителски и маченички венец, со оние кои беа гонети, мачени и убивани само затоа што бескомпромисно, и по цена на својот сопствен живот ја исповедаа својата вера во Христа и во Неговата Црква – Телото Негово. Тоа искуство, најскапоцени чеда во Христа, еве веќе деценија, на најдиректен можен начин нè идентификува со Оној којшто пострада за нас! Тоа е она по што секој од нас на најприсен начин – лично ќе биде препознаен од самиот Христос, согласно на Неговите зборови: „Ако Мене Ме гонеа и вас ќе ве гонат“(Јн. 15, 20).
Тоа е искуството на единството на Црквата Христова, искуството на Невестата Негова, искуство тешко породено токму од таа прегратка со целата вселена.
Со Своето Рождество, Христос ги воздигна на најголемото можно ниво човековиот дух, душата и телото, како и севкупната материја. Давајќи ни се Себе си, и примајќи нè онакви какви што сме, во Себе преку светата Евхаристија, преку светата Причест, во единствената суштинска заедница, којашто е спасоносниот начин на живот во единство со живиот Бог, а со самото тоа и за победа над последниот непријател – победата над смртта.
Затоа најскапоцени браќа и сестри, го повикуваме својот народ и сите луѓе околу себе, на слободно чекорење по патот, патот на преумувањето којшто нè води во Црквата, во Едната Света Соборна и Апостолска Црква на новородениот Богомладенец и Спасител наш Исус Христос.
Да го преобразиме браќа и сестри, сето она што нè врзува само за земното, да симнеме од себе сè лажно и распадливо, та слободно и одговорно, да се фрлиме во Неговата спасоносна прегратка, прегратка од која извира самиот Живот Вечен, прегратката која е Заедница, а Заедницата е Црквата – а Црквата, браќа и сестри, е Спасението!
Христос се роди!
На Божик 2011,
од затворот Идризово
Ваш молитвеник пред Бога,
+Архиепископ охридски и Митрополит скопски Јован
рубрика: вести
27.12.2011
Митрополитот месогиу Николај со изјава за Архиепископот Јован
Деновиве, во Р. Грција, беше донесена одлука за притворање на светогорскиот игумен Ефрем ватопедски, одлука којашто според мнозина претставува политичка и, од правен аспект, неиздржана одлука.
Во одбрана на игуменот Ефрем застанаа видни имиња од политиката, како и од Црквата во Грција; самиот Архиепископ Јероним, Митрополитите: фтиотидос Николај, патрон Хризостом, кавалас Прокопиј, леру Паисиј, светогорската Света Општина, многу други чинители ширум православниот свет, помеѓу кои и Руската Православна Црква, којашто изрази надеж дека судењето на игуменот Ефрем нема да биде политичко.
На оваа тема се осврна и угледниот Митрополит месогиу Николај, којшто за ТВ “Скај”, истакна дека Црквата не се плаши од затворите и дека од епохата на Христа и Апостолите до денес има свои членови коишто се затворени. Во часот кога световната правда ослободува злосторници, затворите биваат испразнети од криминалци, а ќе се наполнат со Епископи, игумени, монаси, бидејќи во современиот свет постои цел да се удри по угледот на Православната Црква.
Митрополитот Николај го заврши своето излагање со карактеристичниот исказ дека: Христос беше во затвор, Апостолите, Мачениците поминаа низ затвори, толку возљубениот свети Лука Симферополски беше во затвор, денес во затвор, целосно фрлен во еден подрум се наоѓа и Архиепископот охридски Јован. Она што ќе се вреднува е каква реакција ќе имаме ние на таквите збивања!
Разговорот на Митрополитот месогиу Николај се наоѓа на следнава врска:
http://www.romfea.gr/index.php?option=com_content&view=article&id=10359:--q---q-video&catid=25:2009-12-18-08-37-46
